Hallo Zusammen!
Wir haben heute unsere neue Bloggerseite eingerichtet, damit ihr in einigen Monaten von uns das Neuste erfährt.
Wir freuen uns bereits heute riesig auf unsere Reise :o)
Ihr hört von uns...bis bald
Abonnieren
Kommentare zum Post (Atom)
3 Kommentare:
salü zäme
Mir fröie üs , das öich guet geit und hoffe , ihr zwöi ärlebit no viu schöni Sache,
Gruss Pius und Rosi
gueti besserig
Hoi zäme dir Wäutebummler.
Schön immer wieder vo öich z ghöre!
Ha öich eigendlich scho letscht Wuche ä rise Roman gschribe, dr Awre het mir äber leider aues glösche wü mir nid hei gwüsst wie i logge. Hoffe dir siget beidi wider fit u munter!!! U überhoupt, dr schisser u kopfweh isch äue no öppis vom harmlosere wo dir dert chöit ufläse. Gueti besserig anyway! Am Awre geits eigendlich guet, er isch immer chli am büffle für sini Prüefige nächt Summer. I bi immer chli am pützerle, wäsche u o uf mim bügu am schaffe. Dr Yonatan isch immer wie Pupertierender u luegt auem nache wo zwöi Bei het ohni Eier. U dr Sharonito isch immer no dr glich chli klugscheisser u schnuri wi geng. Letscht wuche hani Geburi gha u di ganzi Fämili isch bi üs zu Inschera (Aethiopischem Essen) iglade gsi. Sisch gmüetlich u luschtig gsi. Am Fritig, letscht Wuche bini i öire aute Heimat in Murte gsi ga d' Nadia bsueche di isch scho sit Wuchene krank (Lungeentzündig). S' het äber guet ta i dere Naturoase z si. Ha dert bim Weier schlabber Gras usegfischet, chli gschwitzt u gmoret, aber s' het mir soooo guet ta. U z Büsi vor Nadia het mir die ganzi Zyt gseuschaft gleischtet. Di letschte zwöi Täg isch entlich d' Sunne wider ämau cho sälu säge. U de hei mir grad ä Spaziergang i Nonnas Wäuder gmacht. Mir si nämmlich eh grad zu ihre gange aui üsi Jungs ga verbi bringe dr Alessio includet, so hei dr Awre u ig u o dr Mänu ud Rebecca äs Chinderfreis Week-end chönne gniesse. D' Marutschga (Mara) het's o zimmlich verwütscht si isch o am Chränkäle. Auso me weiss ig jetze grad nümme a News. Dr Awre päget no hinger füre i söu n'ech la Grüesse. Mir warte scho gschpannt uf die nächschte Nachrichte u schöne Fötelis vo öire schpannente Reis! S' isch fascht aus würd me ufe nächscht Fium vore spannente Soap warte. Auso machets guet u häbet sorg zunenang!!! Bhüet nech Gott ciao Claudia
Kommentar veröffentlichen