Hallo Zaeme
Leider hei mir scho wieder schlaechti nachrichte us uesne ferie. mir geits mitlerwile besser, aber...
Ufem waeg vor graenze vo Indie uf Kathmandu isch am Dario si rucksack klauet worde mit sine ganze sache din. mir si leider mitemne localbus ungerwaegs gsi u nid mitemne touribus. dert hesch du dis gepaeck haut ufem outo u nid im outo. u da die sache nume befestigt waerde zum fahre u nid mitemne schloss gaege diebstau. auso hei mr schomau die erste paar taeg in kathmandu nid choene gniesse. dafuer kenne mir jetzt d polizei vo kathmandu. mitlerwile hei mir ues ou scho wieder gfasst u hei aes ganz liebs franzoesisches paerli lehre kenne. mir hei ou scho wieder paar neui sache fuere dario kouft u mache iz eifach zbeste drus. ab mittwoch goemer mit de franzose zaeme aes chlises trekking, bim anapurna ga mache. mir choei ues mitlerwile ou druf froeie =).
mir waerde aber nid wie geplant 6 wuche in nepal bliebe sondern nur 3 wuche. mir bruche unbedingt chli strand u meer =). auso fluege mir scho am 9. oktober nach bangkok. aes isch i de letschte wuche viu passiert u fuere afang isch dass grad chli gnue. mir maeude ues wieder nachem trekking mit neue foetelis =).
ganz liebi gruess
Sibylle u Dario
Abonnieren
Kommentare zum Post (Atom)
4 Kommentare:
Salut Zäme
Immer wieder übel so Chrankheite. Schwächt ungemein. Luegit eifach, dass dir guet trinket (Wasser oder Alkohol, isch eigentlich egal). U we dir ir Höchi sit isch es nomau wichtiger (wäge däm trümmlige Stoffwechsel hei si gseit).
Bi üs schlösinis d Netzwerkkabel um d'Ohre u nächschts Jahr wird gspart.
Soviel bis hie und Gruess
Chrigu dr Loretan
hey dir zwöi
das ghört haut o derzue, dass me nid nur schöne und angnehmi site vo somne trip erfahrt, sondern o di schlechte und nid immer erfreuliche site... solangs euch beidne guet geit u niemer ir gsundheit plagt isch, isch aues ersetzbar.
dr chrigu het recht: lueget dass dr gnue suffet und gsund blibet. viu spass bim trekking u am beach vo thailand!
euer bruder
Daniel
Hallo dir zwöi liebe, ig am compi das isch scho fasch äs wunder,aber für öich machi das natürläch gärn.dir dario hani nume wöue säge das du da öppis fautsch verstangä hesch, wöu autä balascht loswärde nid bedütet sech der rucksack la z`chlaue!aber take it easy s`isch zwar ergerläch aber nume materiau. sibylle ig hoffä das es dir besser geit, ig schikä dir es energiewüuchli, u hoffe äs fingt dä wit wäg zu dir. mir geits ou wider besser, ig ghöre wider zu de läbigä. hüt het dr yonatan geburtstag, bi itz bi girmas u warte ufä räscht vo mire familie(z`mami chunt nid si isch z`italie ire sing-wanderwuche).so das isch aues wo i ha wöue loswärde ig umarme öich ganz fesch u ä dickä muntsch mara
Hallo Zäme
So mir si ou wieder im Land :-) Amerika isch super geil gsi, mir hei ganz viu sache erläbt und cooli fotos gmacht. Mir zeige öich de die natürlech wenn dir zruggchömet. Hey, dir heit ja scho mega vi seich düregmacht. Ig hoffe das aue scheiss jetz düre isch und das dir nume no schöns erläbet. Dir heit rächt, dass dir chli a Strand göt go energie tanke. Erholet öicht guet!
Ganz Liebe Gruess und viellicht gset me sich ja z'thailand im Jäner :-)
Fabi
p.s. Sit dir am 14.02. wieder im Land? ig fire drum mi 30 Geburi denn und wet öich härzlech ilade.
Kommentar veröffentlichen